Liitosta

Liiton/Riksförpyntin meininki

STR-T oon riksorkanisasuuni (vaikuttaa koko maassa) ruottin tornionlaaksolaisile. Äänitorvi Tornionlaaksole joka valvoo tornionlaaksolaisitten kieli-, kulttuuri- ja yhtheiskuntaetuja huolimatta siittä missä net elävä ja toimiva. Päämäärä oon ette eistää ja vahvistaa tornionlaaksolaisitten itenttiteettiä ja kielelistä ja kulttuurista tukea.

Uskonollisesti ja puliittisesti sitoutumaton STR-T perustethiin 1981 ja siittä tuli tornionlaaksonsuomen uusvallotuksen tärkeä askel, kieli jota sittenmin kuttuthiin meänkieleksi ette vahvistaa käsityksen ette se oon oma varieteetti eikä suomalainen murre.

Vajat 20 vuotta myöhemin, vuona 2000 valtio tunnusti meänkielen minuriteettikieleksi. Nyt STR-T oon valtiopäivän ja hallituksen lausunonantaja minuriteetti kysymyksissä mikä oon liiton tärkeä työ.

STR-Tlä oon tänä päivänä nuin 5 000 jäsentä koko Ruottissa, Suomessa ja Norjassa ja toivoo lissää. Ummikoita ko meänkielisiä Ruottissa eli muuala asuvia.