STR-Tn paikalisjärjestö Uppsalassa perustethiin syyskuussa 2013. Meän osasto, Tornionlaaksolaiset Uppsalassa-Tornedalingar i Uppsala, oon kaikile tornionlaaksolaisile Uppsalassa ja Uppsalan ympäristössä sekä kaikile muilekki jokka tunteva yhteyttä Tornionlaakshoon. Järjestöllä ei ole ommaa kotisivua ja osaston e-posti oon [email protected]
Johtokunta
Tyra Helena Lindström, puhheenjohtaja
Bengt Bucht, varapuhheenjohtaja
Irma Ridbäck, kassööri ja sihteeri
Bo Lauri, johtokuntajäsen
Hjördis Sigurdsdotter, johtokuntajäsen
Irene Niva Strand, varajäsen
Eva Hellman, varajäsen
Tilintarkastaja
Anders Bäckström
Yvonne Niemi, suppleant
Vaalinvalmistaja
Barbro Virtala, yhteenkuttuva
Kjell Lampinen
Christer Andersson Grahn
Aktiviteetit
Meän föreninki oon jäljelä pantemiin huolimatta ja met suunittelema syksyn toimintaa. Eikhään rajotukset poisteta ja tilane paranu. Ens uutispreivi tullee kesälä.
Tässä preivissä selittämmä liitonjohtokunnasta. Mutta esitämmä kans uuen kirjan, Kylärukous Tornionlaaksossa, osa meän histuriaa joka saattaa koskea enämpi ihmisiä ko uskois.
Toinen julkasu josta puhuma oon Korpilombolo Tidning. Pienempi makasiini joka sisältää 20-30 sivua ja annethaan ulos 12 kertaa vuessa.
Meän uutispreivi ottaa mielehääns vasthaan jäsenitten tekstiä kylistä ja muusta joka saattaa päästä matkhaan tulehviin julkasuihiin, esimerkiksi muistoja jänkkäniittyistä, potunotosta, ensimäinen piili, postinkuljetuksesta, priskuräntistä, kouluvuosista. Kaikenlaista. Meilä oon siija uutispreivissä lyhyile tekstile. Korkeinthaan 2000 tekkeniä välilyönit myötä.
Retaktöörinä Irma saattaa retiseerata tekstit helpola.
Uutispreivin saatat lukea ruottiksi tästä: Uutispreivi toukokuu
