Bordsflagga 16x24cm
Meänkielenpuhuva kansa tornionlaaksolaiset, kväänit ja lantalaiset ei saanheet siiaa prukrammissa ko EU-huippukokkousta piethiin Kierunassa viimi viikola. Ainuasthan yks kolmesta kansalisista minuriteetistä jokka ellävä aluheela eustethiin tilaisuuessa. Tämä oon saanu hermostunheita meetlemmiä ottamhaan yhteyttä kanslian kansa.
Kirunan kunta oon hallintoalue meänkielele, saamenkielele ja suomenkielele. Näilä minuriteetilä oon sama suoja minuriteettilain kautta. Meänkielenpuhuvalla minuriteetilä oon vahva histuurialinen ja kylttyrelli kopplinki aluheen mutta sille ei annettu siiaa, ei ohjelmassa ette eustaa ommaa kotiseutua, eikä nostaa aktyälliä asiakysymyksiä. Tornionlaaksolaiset, kväänit ja lantalaiset ei saahneet näkyä eikä kuulua ko vallanpitäjät kävit vieraihlemassa. Kans ruottinsuomalaisia syrjäthiin.
– Kerrasta toisheen meitä syrjäthään ja tehtään näkyttömäksi yhteyskissä missä meilä pitäis olla selvä paikka olla myötä. Se vaikuttaa siltä ette meän pääle viskathaan peitto ja toivothaan ette pysymä siinä, puhheenjohtaja Inger Junkka sannoo.
Hallituskanslia oon planeranu huippukokkousta puolitoista vuotta yhteistyössä Kierunan kunnan kans. Kierunan kunnanrooti, maaherra ja Saamekäräjitten puhheenjohtaja otit Hänen majestäätti kuninkhaan juhlalisesti vasthaan. Saamekäräjät sait kans siiaa nostaa saamelaisile tärkeitä kysymyksiä möötissä hallituksen, Lääninhallituksen ja Kierunan kunnan kans.
– Näkymättömyys vahvistaa pulariseerinkiä. Sen Hallituskanslia ja Kierunan kunta pitäis ymmärtää, sannoo toimintajohtaja Eva Kvist.
STR-T oon kirjottanu Kierunan kunnale ja Hallituskansliale tästä kunka meänkielisiä ja suomenkielisiä oon tehty näkömättömäksi. Preivit löyät linkitten kautta tässä alla.
Tepattiartikkeli avisissa Altinget 20230120
Preivi Kierunan kunnale 2023-01-13
Preivi hallituskanslialle 2023-01-16
Syrjäämisestä meetiassa:
