Saalaviieläkymmenellä kruunula sie tuet STR-Ttä ja sen kautta voit vaikuttaa tärkeissä kysymyksissä jokka koskeva kieltä, paikkoja, kansaa, olla tietonen ”tornionlaaksolaisuuesta” ja kohata muita tornionlaaksolaisia. Perejäsenkortti maksaa 200 kruunua.

Tulet jäseneksi maksamalla 17€ (150SEK) bankgirole 669-2230 eli Swishnr 1235432117 kautta (ilmota vähhiintänsä ”jäsen” + nimi ja osote).

Maksaks ulkomailta? Tiot tulle tässä IBAN: SE06 8000 0826 4491 3214 0865 BIC:SWEDSESS (Sparbanken Nord)

HOX! Muista antaa nimi, postiosote ja e-posti maksaessa. Anna kans toisitten perejäsenitten nimet jos olet maskanu perejäsenmakson (vapaehtosta). Ilmota jos halvat kuulua paikalisosasthoon, Kainus (Kalix), Stockholm, Uppsala, Jellivaara (Gällivare), Pajala, Uumaja (Umeå), Matarinki (Övertorneå) eli Kieruna (Kiruna). Jos tiot ei mahu saatat soittaa  070 654 04 50 eli meilata [email protected] för komplettering.

Uusi taattasuojelulaki

25 toukokuuta 2018 uusi Taattasuojelulaki, GDPR (General Data Protection Regulation) astuu voihmaan. Tämä taattasuojelulaki tullee jäällaahmaan koko Euroopassa. Net tiot mitä Svenska Tornedlingars riksförbund-Tornionlaaksolaiset rejistreera oon jäsenön nimi ja piiain perhejäsenet, osote, meiliosote eli telefooninumero. Nämät tiot tarvithaan meän jäsenmakson järjestämisseen. Tietoja jäsenistä ei anneta ulos, net käytethään vain riksförpyntin sisälä ja paikalisjärjestössä mihinkä kuuluu.

Jos sie joka olet jäsen halvat tarkastaa, muuttaa eli ottaa tietoja pois, ota kontaktia meilin kautta [email protected], [email protected] eli telefoonin kautta  070 654 04 50 eli 070 582 40 74.