Föreninki Svenska Kväner-Lantalaiset perustethiin 11 helmikuuta 2019 ja se on paikalisjärjestö Svenska Tornedalingars Riksförbund -Tornionlaaksolaiset:hin. Föreninkin kotipaikka on Kierunassa.

Päämäärä ja tehtävä säänöitten mukhan:

Svenska Kväner – Lantalaiset on intressijärjestö kielelissä, kylttyyrisissä ja yhteiskunnalisissa kysymyksissä kaikile jokka tunteva ette het on kväänit/lantalaiset ja kaikila jokka tunteva yhteyttä föreninkin päämäärän ja pyrkimysten kans. Minuriteetin nimi ruottiksi on tavalisesti kväner. Meänkieleksi käytethään histuurinen ja alkuperänen nimi lantalaiset ja kans samanaikanen nimi kväänit.

Svenska Kväner – Lantalaiset jakkaa kans riikinförpyntin päämäärän ette tukea ja vahvistaa minuriteetin itenttiteettiä ja kielelistä ja kylttyyristä kehitystä ja kuuluvaisuutta. Föreninki on, samoten ko riikinförpynti, uskonolisesti puliitisesti vapa.

 

Johtokunta

Göran Johansson, puhheenjohtaja

Terje Raattamaa, varapuhheenjohtaja

Sören Fjellborg, kasööri

Johanna Olofsson Roth, sihteeri

Rune Raattamaa, varajäsen

Jan-Erik Olofsson, varajäsen

Holger Torneus, asiantuntia

 

Vaalinvalmistaja

Olle Fors, yhteenkuttuva

Jonny Mella