Tornionlaaksolaisia jokapaikassa
Arvioithaan ette oon 40 000 – 70 000 meänkielisiä koko Ruottissa. Mutta paljon enämpi varhmaan oon jokka kattova ittensä tornionlaaksolaisiksi. Net jokka piiain ei ees asu Ruottissa eikä omista kieltä mutta joila sielu, syän ja ajatus oon mantelipotusta, hongasta ja loppumattomista jänkistä.

Ja niinko tiethään niin  ihminen häätyy kuulua johonki yhtheytheen, tarttee paikan missä saattaa levätä samanlaisitten kansa. Ja paikan missä saattaa huoltaa niitä tärkheimpiä kysymyksiä. Siksi oon STR-T jokapaikassa Ruottissa.