kulttuuri, kylttyyri, stipendium
Aika numineerata kylttyyripakinon voittajaa vuoele 2022! STR-T jakkaa joka vuosi palkinon yksityiselle, föreninkille, yrittäjälle eli orkanisasuunile joka jollaki mallin kannustaa ja vahvistaa meänkieltä ja tornionlaaksolaisten, kväänitten ja lantalaisten kylttyyriä viimi vuoen aikana.
Palkinto jaethaan kahessa luokassa, raahvaile ja nuorile. Nuorisoliitto Met Nuoret jakkaa palkinon nuorile. Stipäntiymit oon 10 000 kruunua jokaselle. Tervetuloa jättämhään sinun ehotuksen raahvaale voittajalle viimisthään 28 helmikuuta 2023.
Teheppä näin:
Lähätä nimi ja mutiveerinki miksi henkilö mitä ehotat pitäis huomioittaa tällä palkinolla. Paina tästä niin pääset lähättämhään e-postin meile: STR-T kansli
