Näyttely Kotimatka kertoo tornionlaaksolaisten, kväänitten ja lantalaisten
histooriasta kampheitten, ääniklipitten ja kuvitten avula.
Avajaiset tiistaina 24 aug kello 13.00 Kukkolakoskessa. Kotimatka on näyttely jonka Svenska Tornedalingars Riksförbund – Tornionlaaksolaiset, STR-T, oon tilanu ja Puolustusmuseo Puutissa on tehny.
Näyttelyn pohja oon esitutkimus ” Då var jag som en fånge” Valtion väkistäminen toornionlaaksolaisa ja meänkielen puhuvia kohin 1800-ja 1900-luvuila, Curt Persson (2018). Avajaishiin tullee STR-T:n puhheenjohtaja Eva Kvist, fil toht. Curt Person, Tottuus- ja sovintokomisuunin puhheenjohtaja Elisabeth Fura, prutysäntit Ulf Renlund ja Einar Norén Selberg. Tottuus- ja sovintokomisuuni kokkointuu Kukkolassa. Näyttely on Kukkolassa koko tämän kuukauen aikana.
Näyttelyn saattaa tämän jälkheen lainata. Esimerkiksi kunnat, museot, föreninkit ja muut kiinosthuneet ympäri maata saattaa lainata sitä ette levittää tietoa meän minuriteetin histooriasta.
Tervetulheita kattohmaan näyttelyä!
Lissää tietoa, ota yhteyttä: Eva Kvist, ordf. 073-7354091 och Agneta Heikki, admin 073-0813216
